Ханьдаа хайртай, ханьдаа халамжтай, ханийгаа хайрлана, ханиараа бахархана гээд 1 уриа байдаг байхаа. Үнэхээр ханийгаа тэгж хайрладаг юм болов уу. Түрүүчийн удаад өөрийнхөө мууг мэдэхгүй байж хүний мууг дууддаг залуугийн тухай бичээд олон өнгө аяс цухалзахыг үзлээ. Энэ удаад гэр бүл болсны дараа хэрхэн зохицдог талаар эрэгтэй болон эмэгтэй хүний хандлагыг илэрхийлэхийг оролдов. Мэргэжлийн онцлог ч юм уу байнга ажиглаж харж байдгийн хувьд нас насны онцлогоос хамааран ийм байдаг байхын. Үерхэл ба эхний үедээ бие биендээ хайртай, үхэл л биднийг салгана гэдэг бол дараагийн үед нь хэрэлдэж муудалцаад сүүлдээ ойлголцлын маягаар амьдарна, үр хүүхэдтэй бөгөөд гэрлэсний дараах хэдэн жилийн дараагаар бол үр хүүхэд, өдийг хүртэл туулсан амьдралаа хайрлана. Яг энэ л үеэс эрчүүдийн ангуучлах үе нь ирнэ. Тэдэнд амьдрал ахуй нь цэгцрэн санаа зовох зүйл багасаад ирэхээр одоо бол хүүхэд гаргасан, үглээ биш юмаа гэхэд өдөр бүр 1 царайг харах утгагүй санагдах ба залуухан гоолиг бүсгүйчүүд рүү харц унагаж эхэлнэ дээ, тэдэнтэй харьцуулахад нас болоод бие гологдох учир мөнгө хэрэгтэй, мэдээж мөнгө гаргана, хүссэндээ хүрнэ. Өөрийгөө зугаацуулах л гэж тэр, өөрийнхөө инстиктээр л тэр. Энэ үедээ гардуулчихгүй л бол сайн аав, сайн нөхөр хэвээрээ л байх болно. Хэсэг хугацааны дараа нууц амрагаа өөр хүнээр өөрчлөнө. (эр хүн 1 л хүнд хайртай, бусдад нь дуртай байдаг гэж надад бодогддог шүү).Харин эхнэрийн хувьд бол нөхрөөсөө таашаал авч, биедээ халамжтай байгаа бол араар нь тавих тухай бодол орж ирдэггүй ба зөнгөөрөө нөхрөө өөр хүнтэй яваад баиж магадгүй гэж бодох боловч яаж ийж байгаад илрүүлчих гэж оролдно. Тухайлбал сэмхэн халаасыг нь үзэх, унтаж байх хойгуур нь утсыг нь нэгжих, хувцсыг нь үнэрлэх зэргээр шалгах боловч баримт илрэхгүйд санаа нь амарч нөхөртөө баярлан, хайр нь хүрдэг. Эрчүүд эр хүйсийнхээ зөнгөөр өөр эмэгтэйтэй харьцаа үүсгэдэг бол эмэгтэй тухайд нөхөр нь архи ууж, дарамтлах, хардах, ад үзэх, мөн сэксээр хангахгүй байх зэрэг үйлдэл гаргахгүй л бол араар тавих бодол төрдөггүй. Хамгийн гол нь биендээ итгэх л хэрэгтэй, миний хувьд араар тавьдаггүй эр хүн гэж байхгүй гэдэгт итгэлтэй байдаг. Аз болж амьдрал дээр тийм сайн залуу байдаг байх л даа. Араар тавиулснаа мэдсэн эмэгтэйчүүдийн дийлэнх нь маш их гутарч гомдож, өөрийгөө энэ бүхэнд буруутай гэж үздэг. Эхнэртэй болоод нөхөртэй хүмүүсээ ханиа битий гомдоогоорой, эр хүн мартаж чаддаг, уучилж чаддаггүй бол эмэгтэй хүн уучилж чаддаг мартаж чаддаггүй юм гэнэлээ.